20‏/11‏/2008

العـــــَّرافــة


وبتقرا الفنجان بالطول
وتوشوش ودع الكورنيش
وتفتش على وجع الخلق
وليلاتي
تتهجى الفجر ..
ناسية الشباك المفتوح
والتوب الملفوف بالطول
وبتنسى الشارع والناس
والبياع الـ صاحي ينادي
والبرد الهربان مـالشمس
وبتنسانـي الـ مرمي هناك
وتـميل تطمن عالكون
وتبوس صبار البلكون
فـأوشوش جدران الشيش
واهمس لعنيكي ..
" مـاتمشيش " ..
إستني !!
وهاتيلي معاكي
حبة صبح .. وحبة نور
وأيدي الشمس عشان بردان ..
واسقيلي الصبار من تاني
واسقيني .. من نفس التوب
هينوبك فى الفجر ثواب
وهيدعيلك كل أدان ..
ياما نفسي .. منك أتعلم
أقرا البن بكل سهولة
فـ الفنجان ..
واتعلم أتهجى الدنيا
واعرف إمتى وفين القاكي
واعرف ممكن ؟؟
ولا الشوق مبيعرفكيش ؟؟
ولا حقيقي مبتشوفينيش
وعيونك لساها حقيقي
طول الفجر معرفتنيش ..
واما هنتقابل من تاني
بعد شوية تحت الشمس
تحت الزحمة وتحت الناس ..
جوة محطة فـ حضن الشارع
شايلة الدنيا مع الكراس ..
والشعر المشنوق على عقدة
لاجل ما تهدى الريح والخلق ..
واستغرب إحساس الغربة
وانا جمبك بقرا الجرنان
وبتقراني عنيكي بقسوة
زي عيون كل الواقفين ..
فـ أخاف انظرلك من تاني
بردو عنيكي مايلمحونيش
وأدور عالشيش يواريني
مـا يوارينيش ..
فـ استناكي لفجر جديد
لما يطير شعرك مـ العقدة
واما تطلي بنفس التوب
ناسية الشباك المفتوح
والبياع إياه والناس
والمتعبِّد ضل سمارك
لما خيالك منه يقارب
والمتنهِّد مع صبارك
جمب الشيش الـ نص موارب
لـما تميلي على البلكون
لاجل ما تطمني عالكون ..

هناك 87 تعليقًا:

فاتيما يقول...

تحفة يا أحمد وحشنى ترانيمك الرقيقة دى
و وصلتنى الحالة قوى
و يا ريتها كل شوية
تميل على البلكون
لاجل ما تطمن عالكون
و تخليك ف الحالة الإبداعية دى دايماً
تحياتى ليك يا اجمد فنجان قهوة
يعدل أوجعها دماغ

Doba يقول...

حلوة قوى
قوووووووى

فيها لحظات ومشاعر جميلة ودافيه
عجبانى قوى وعاملة جو من الألفه واللهفة جميل

تسلم يا افندم
تحياتى
هبة

سلسبيل يقول...

----------
واستغرب إحساس الغربة
وانا جمبك بقرا الجرنان
وبتقراني عنيكي بقسوة
زي عيون كل الواقفين ..
فـ أخاف انظرلك من تاني
بردو عنيكي مايلمحونيش
وأدور عالشيش يواريني
مـا يوارينيش ..
----------
الله
حاجه جميلة اوي زي الحلم ف سلاستها
قريتها مرة واتنين ومحتاجه اقراها تاني لاني ف كل مره بيظهرلي معني اجمل من اللي قبله
فنان والله
تسلم ايدك

غير معرف يقول...

نفسى أقرا لك قصة قصيرة قريب

قصاقيص يقول...

بقالي شهر واكتر مستنيه جديدك يادكتور
ودايما بيكون جديدك يستاهل الانتظار الطويل
اكتر من رائع بجد
ماشاء الله عليك
الفكرة رائعه والاسلوب سلس والتراكيب اللغوية فيها فطرة وشفافيه والتناول بجد اكتر من محترف
يارب دايما متألق
تقبل مروري

ـ-ـ- أحمد عبد العدل-ـ-ـ يقول...

جميلة أوى يا أستاذ

والبرد الهربان مـالشمس

عجبنى أوى التعبير ده ...

بس حاسس ان ممكن حد يهدر دمك بسببها.. مش عارف خدت بالك ولا ايه؟

على الابداع وسنينه

تحياتى ياجميل

esraa يقول...

جميله اوي
(:

كان نفسي ابقي عرافه وساحره
((((((((:

prince4ever يقول...

بجد حاجه جامده موت احييك عليها بشده
اسلوبك و فكرتك كل حاجه فيهم حلوه بجد يا استاذ احمد
تحياتي
رامي..قصاصة ورق

ميرام يقول...

الله بجد
الله الله الله
........
والله فعلا حاولت أقتبس لقيتني قربت أقتبس القصيدة كاملة..
وجبة دسمة
ممتعه بجد
هقرأها تاني وتالت ورابع ..
دمت بخير
تحيـــــــــاتي

nor يقول...

كلمات جميله
تحياتي

غير معرف يقول...

i had so much fun to read such an art it is really good and the inner music is so beautiful however i missed sometimes the idea is she a student with a book in her hands in the station or is she the oracle and what u really mean by this name the oracle?

DoNyA يقول...

اولاد حمدله علي سلامتك
ويارب الامتحانات تكون عدت علي خير

العرافه
قاعده هناك بتراقب خلق الاكوان
بتبص هنا وهناك
يمكن تكتشف الاهوال
في عيون البشر حكايات
بتفنط وتقري الاسرار
هنا بنت عنيها شارده
وده الولد اللي سهر الليل ولهان
استعنا علي الشقا بالله
نلف وندور ونقري العيون
قرب مني يمكن ترتاح
ازرع خوفك في صحرا
يطرح امل فواح

احمد سلامه ::
كلماتك تدخلني في عالم خاص
من الاساطير والواقعيه باختلاط منسجم لا استطع الا ان ارفع القبعه احتراما لك

مودتي

habiba يقول...

ده بس علشان اقولك صباح الخير وازيك وميرى اوى على اللينك
انا طلعت عبيطه شكلى صح؟ :)

على عبدالله يقول...

يا اخى والله العظيم المدونة جميلة جدا
انا حاضيفها عندى واسمحلى

انت قارىء فنجان بجد ولا انت فنان
ربنا يباركلك
واشكرك على الزيارةيا سيدى

تحياتى

اقصوصه يقول...

هناك اشخاص

يرتبط وجودهم في حياتنا

بإحساسنا بالامان

كلمات جميله:)

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

كرانيش يقول...

القصيده كويسه جدا
على مستوى الاسلوب
والفكره والتعبير عنها
لكن فى حاجه عاوزه اقولك عليها
الموسيقى موجوده بشكل صاخب
خلتنى اتوه عن القصيده نفسها
عارف لما بتبقى بتقرا نشيد وحافظ كلماته و بتقوله على وتيره واحده
سعات بتتوه عن النشيد نفسه بيقول ايه انت بتبقى مجرد بتسمع وبس

لو الموسيقى قلت شويه بيتهيالى ده هيخلينى اركز نوعا فى القصيده اكتر من كده
وهتعجبنى اكتر ماهى عجبانى لانك عندك تركيبات حلوه جدا خساره انها تروح هدر

فهمان عليه؟؟؟

Hannoda يقول...

ابدعت يا احمد

كلامك عجيب من كتر سهولته و صعوبته في نفس الوقت

كل ما احاول اتعمق فيه احس فيه حاجة متوهاني و فنفس الوقت حاساه قريب ملامحه حافظاها

ابدعت بجد

كالعادة اعجاب شديد مش عارفة أقول عنه حاجة

MONDAHESH يقول...

رائع رائع رائع

كالعادة

فعلا مش لاقي تعليق يديك حقك

تحياتي

ودائما في تقدم

هيثم الكاشف يقول...

الله بجد تحفه و رائعه و شعرك جميل و بحب أقراه :)

محمد سلامة يقول...

يا احمد الجيرة ليها حرمة و مع ذلك قصيدة رائعة يا صديقي أنا قريتها كذا مرة
بس هو في سؤال هو أنتم بتناموا أمتى ؟
ههههههههههههههههههههه
لأ بجد يا احمد أنا استمتعت كتير و بشكرك على القصيدة دي

mirage يقول...

its been so long since last ti,e I came over here
u've not changed,
great as u always have been
:-)

فاتيما يقول...

أحمد يا سلامة
كل سنة إنت منور و مبدع و جميل زى ما أنت
عيد سعيد عليك يا رب
تحياتى يا عزيزى

شهرزاد يقول...

جميلة يا أحمد فيها أفكار كتيرة ومشاهد جميلة
كل عام وأنت بخير
عيد سعيــد

عازف الناى الحزين يقول...

كل سنة وانت يب يا باشا
القصيدة جامدة جدا كالعادة طبعا

habiba يقول...

ماشاء الله عليك
افكارك دايما حاضره وجديد وغريبه
كل سنه وانت طيب
وعيدك سعيد :)

بسنت يقول...

تعبيرات جميله اوى
عيشتنا فى حاله جميله بس من ورا باب الشباك الموارب وفى بقايا فنجان القهوه اللى لسه ما اتقراش
كل سنه وانت طيب

م/ الحسيني لزومي يقول...

تقبل الله منا ومنكم
وكل عام وانتم بخير

Die يقول...

بسم الله الرحمن الرحيم

الله ينور

يعني هو انا كنت عامل حاجه كده صغيره و هيشرفني

زيارتكم الكريمه

و ارائكم

بجد

balckrain.blogspot.com

ســـــــمــــكة يقول...

لم أقرأ إبداعا مثل هذا مذ فترة....
رائع

انا من اهوى ومن اهوى انا يقول...

من تانى مايمتعنيش غير فنجان قهوتك بطعمه الغريب العجيب اللى مالوش مثيل

تجويجه اكتر من رائعة يا أحمد استمتعت بيها وشربت القهوة ولا خليتش فيها حاجة علشان حد يقرالى قهوتى اللى معمولة من ايديك بسر كلمتك السحرية

كلماتك جميلة وميرى على الفنجان دا جة فى وقتة ظبطت دماغى جدااااااااا

كل التحية

Shimaa Esmail يقول...

السيد الأستاذ/ أحمد سلامة
صاحب مدونة / MR.COFFEe
" تحية طيبة" وبعد..
اعتذر عن الخروج من موضوع التدوينة، لكنني أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية.
أرجو الاهتمام والرد سريعا بالإيجاب أو السلب.
تحياتي وتقديري
شيماء إسماعيل
باحث ماجستير- كلية الآداب جامعة القاهرة.

غير معرف يقول...

MR.COFFEe اؤكد لحضرتك ان اول مرةادخل مدونة ثرية بهذاالقدر العظيم،وبدون المدونة انت انسان جدير بكل تقدير و احترام....م/منال/رشا... ولى الشرف ان ازوركم و ادلى بتعليقاتى المتواضعة...

حنان سعيد يقول...

بجد تحفه
عاجباني جدااا لدرجه اني قرئتها اكتر من مره
وحاسه اني كل شويه ممكن ادخل اقرئها
كل سنه وانت طيب
ويارب ديما نقرء ليك كل رائع وجميل

gohayna يقول...

مساء الخير يا احمد


كل سنه وانت بالف خير
ويارب تحقق كل امنياتك واحلامك في 2009

متاخره كتيييير عن متابعتك
بس كل ما ارجعلك اقول والله انت فنان مبدع بجد


كلامك جميل ومليان احاسيس علي الرغم من اني بتوه فيه احيانا

تحياتي ليك والف شكر علي سؤالك عنني

el_assel يقول...

احيانا كثيرة تنطق العرافة بما نريد ان نسمعه
نلجأ اليها كل نعيش في حلمنا الذي تبنيه امام نظراتنا خيالات
نلجا اليها عندنا تفشل كل محاولات انقاذنا لعالم الواقع الذي يتبدد امام احجارها
لذلك لا نلجا للعرافة الا عندما لا نجد مفر واقعي نلجا اليه


كلمات رائعة يجب الاشادة بفكر من كتبها


تحياتي

mohamed hesham يقول...

مالهاش حل ...

tota يقول...

فيه ناس بتكون ليها علامة مميزة في حياتنا بيكونو زي الدفا كده مش بنحس بيه الا اما نبرد بنفتقده
فينك يااحمد العزيز؟؟اتمني تكون بخير وفي افضل احوالك سلامي ليك وكل الود

fanan fa2eer يقول...

اسمحلي بقي أنا مش هاعلق سامحني

انا جاية في غرض محدد اني أسأل عليك انت فين وعامل ايه؟

بقالي كتير قوي ماكلمتكش

مع انك مابتسألش

بس قولت أنا بقي لازم أسأل عليك وأشوف روحت فين

محدش بيموت ناقص حلم يقول...

وأيدي الشمس عشان بردان ..


تصوير رائع

الموسيقى على دوام القصيده
مع قوة التصوير

اكسبت لها قوه غير عاديه

تقدر تسمع مزيكا وتقدر تسمع شعر
جميل

بسمـــة مســـــلّم يقول...

السلام عليكم بجد يسعدنى زيارة مدونتك ارجوك دع القلم يرسم احلى ما فينا وفيك على الورق سلااااامى واكيد منتظرة تعليقك

بسمـــة مســـــلّم يقول...

يسلم احساسك الجميل وتسلم كتيير وياريت اكون معاكوا قريب سلااامى

ســـــــمــــكة يقول...

i have seen the programme and i liked it so much it was great ..you have a great sense of writing and feeling the words..
thnx
samaka

ملكة بحجابى يقول...

قدح القهوة عندك مختلف المذاق جاءت بى نكهته من مدونتى البعيدة عنك حوالى ساعتين بالعربيه
بعشق اسكندرية وبعشق ناسها ونسبت نفسى ليها بالانتماء وليس بالمولد ومع فنجان قهوتك وجلوس العرافة أخذت قرارا بألا أقيم أبدا فى مكان غيرها
تقبل مرور زائرة القدح
وعندما تعد قدح أخر لى من القهوة يجذبنى نكهته ستجدنى فورا ها هنا
تقبل مرورى
ملكة بحجابى

david santos يقول...

Brilliant posting!
Congratulations!
Have a nice week.

أحمد سلامــة يقول...

فـــاتيما :

ميرسي ليكي يا فاتيمي
اول تعليق كده على احب حاجة كتبتها
يعني بجد حاجة مش هتتنسي
ربنا يسعدك دايما
ويبعد عنك وجع الدماغ للأبد

أحمد سلامــة يقول...

doba :

ميرسي ليكي
بيسعدني كلامك دايما
وبتشرفني الزيارات الجميلة دي
دمتي سعدية وعميقة

أحمد سلامــة يقول...

سلسبيل :

سعيد جدا جدا جدا انك قريتي النص ده
لأني بحب مزيكتك في كتاباتك وكنت حابب انك تقريه
وسيعد قوي من تعليقك
يا رب دايما
وميرسي على تشبيه " زي الحلم " ده
وان كان تعليقك هو اللي يستحقه
دمتي شاعرة جميلة

أحمد سلامــة يقول...

غير معرف :

أحلامـك أوامر

أحمد سلامــة يقول...

قصاقيص :

نتمنى نفرحك دايما يا دوك
اهي اي حاجة بتهون سخافة الكلية
ان شالله دايما مجاملاني قوي ورافعة معدنياتي كده
نورتي المدونة يا قصاقيص

أحمد سلامــة يقول...

أحمد عبد العدل :

ايه ده انت كمان اخدت بالك
:)
هو الابداع ده بيودي ست شهور على طول
تسلم يا صاحبي
منورني والله جدا

أحمد سلامــة يقول...

إسراء :

الاتنين مع بعض
:)
مش عارف يعني طب ادعيلك بكده ولا ايه
عموما خليكي عرافة
اجمل
على ضمانتي

أحمد سلامــة يقول...

أحمد :

ميرسي ليك يا ابو حميد
كلك ذوق يا صديقي
انا دخلت قريت عندك حاجات جامدة على فكرة
:)
نورتني يا صديقي

أحمد سلامــة يقول...

ميرام :

بألف هنا يا ميرام
:)
مستنيين البريك اياه يخلص
وترجعي بالسلامة

أحمد سلامــة يقول...

nor :

ميرسي ليكي يا نور
نورتينا
اكيد طبعا

أحمد سلامــة يقول...

غير معروف :

وأيه المانع ان التلميذة اللي بكتاب بين اديها تكون عرافة
وايه المانع ان العرافة او الساحرة تكون ساحرة في حاجة تانية غير السحر
؟
انت مقلتش على حد قبل كده جمالة جمال ساحر ؟؟
ولا ايه يا واد

أحمد سلامــة يقول...

donya :

الله يسلمك يا دنيا
المد لله
ربنا ستار
:)
ادعيلنا تكمل على خير
وترجعي انتي كمان تدوني ليكي فتره مكسلة
وميرسي عالسطور الرقيقة دي
بيسعدني وجودك في المدونة دايما
تشربي قهوة ??
:)

أحمد سلامــة يقول...

حبيبة :

صباح النووووووور
متاخر تلات شهور ونص
عادي عادي
بتحصل
انتي مش عبيطة بس ليه كده ؟
ولا يهمك يا بييبة
انتي فين ??,.

أحمد سلامــة يقول...

علي عبد الله :

ربنا يبارك فيك يا أخي
كلامك اسعدني جدا
وزيارتي ليك ايضا
اتمنى اشوفك في المدونة دايما
شرفت بك

أحمد سلامــة يقول...

أقصوصة :

وماذا عن اضخاص يرتبط وجودنا في حياتهم بالامان ووجودهم في حياتنا بعدمه ؟؟

شكرا لإطرائك الجميل

أحمد سلامــة يقول...

م. حسيني لزومي :

ولا يهك يا باشهندس
بيتك ومطرحك
اخدت قهوتك ولا لسه ؟؟

أحمد سلامــة يقول...

كرانيش :

طبعا يا سمر فاهمك جدا
ومعاكي
وبجد ميرسي ليكي جدا على التوجيه الجميل ده
دمتي شاعرة جميلة
تحيتي لكي

أحمد سلامــة يقول...

hannoda :

اولا الف حمدالله عالسلامة انا لسه عارف انك هنا ف يمصر من يوم
ثانيا
انت يكده بكلامك وصلتيني للي نفسي كل الناس تقوله بجد
ميرسي قوي قوي ليكي
يا رب تكون ايامك كلها هنا سعيدة
وتكون اجازة طيبة

أحمد سلامــة يقول...

mondahesh :

تسلم يا علي
ربنا ما يحرمني من زياراتك
نورتني ومنورني دايما بكلامك الحلو ده

أحمد سلامــة يقول...

هيثم :

تسلم يا هيثم

دمت لي

أحمد سلامــة يقول...

محمد سلامة :

شاعري الكبير
يا باشا بردو الكيف غلاااب
؛)
وعموما احنا مبنامش
انا لاجيء طول الليل
:)
بجد فرحت قوي قوي بكلامك ده
يا رب دايما مفرحني

أحمد سلامــة يقول...

mirage :

very long time yes i think
and u didn't change
ur beauty sense still fillng the way from urs to the blog
u r always welcome

أحمد سلامــة يقول...

فـاتيما :

كل سنة وانتي فاتيما
وكل سنة وانتي ام يوسف

أحمد سلامــة يقول...

شهرزاد :

ربنا يخليكي يا علياء
كل سنة وانتي طيبة
ويا رب دايما ناجحة وسعيدة وتنولي كل اللي نفسك فيه
وتخلصي الماستر أوام أوام

أحمد سلامــة يقول...

عازف الناي الحزين :

ربنا يخليك يا باشا
انت نورتني يا كريم والله

أحمد سلامــة يقول...

حبيبة :

يا دي النور يا دي النور
ربنا يزدنا من نورك يا حبيبة
كل سنة وانتي طيبة

أحمد سلامــة يقول...

بسنت :

وانتي طيبة يا بسنت
اتمنى دايما زياراتك والحالة دي تتكرر دايما

أحمد سلامــة يقول...

م. الحسيني لزومي :

كل سنة وحضرتك طيب
دمت بود

أحمد سلامــة يقول...

die :

شكرا ليك
شرفت بزيارتك

أحمد سلامــة يقول...

سمكة :

أقولك على مدونة فيها الأجمل من كده
؛)
بس هي تبطل كسل شوية

أحمد سلامــة يقول...

شيماء اسماعيل :
عذرا للإهمال يا استاذتنا
وشكرا لزيارتك الكريمة

أحمد سلامــة يقول...

م/ منـال :

الشرف لي بكل تاكيد
واتمنى دوام الزيارة والمتابعة من شخص كريم كحضرتك

أحمد سلامــة يقول...

حنان سعيد :

شكرا لاطرائك النبيل ده جدا
اتمنى اولا عودتك للتدوين
ثانيا دوام تشريفك لي
دمت بود

أحمد سلامــة يقول...

gohayna :

وانتي بالف خير وصحة وسعاد
فات تلات شهور اهو في السنة
ايه الاخباار ؟؟
يا رب دايما سعيدة
ومنوراني

أحمد سلامــة يقول...

el _ assel :

شكرا ليك يا كريم
العرافة اللي عندي مش بتتكلم
:)
بتسحر بس
:)
نورتني

أحمد سلامــة يقول...

محمد هشام :
شكرا ليك يا محمد
نورتني

أحمد سلامــة يقول...

tota :

لن احكي لك عما صنعه هذا التعليق
ولكن
يكفي اني اقول انني لن انساه ما حييت
دمتي لي غالية عزيزة

أحمد سلامــة يقول...

fanan fa2er :

انا مش مختفي زيك يا دوك
انتي الامتياز اخدك مننا بقى
:)
والله انا ميلتك مرتين بس انتي بقى ناسية
عموما انا اهو
:)

أحمد سلامــة يقول...

محدش بيموت ناقص حلم :

يا الف الف حمدالله عالسلامة
نورت المدونات يا شاعر
والله بجد فرحت قوي قوي
ويلكم يا صاحبي.

أحمد سلامــة يقول...

بسمة مسلم :

وعليكم السلام ورحمة الله وبركاته
شكرا ليكي ولزيارتك
ان شاء الله اكيد
تحيتي لكي

أحمد سلامــة يقول...

samaka :

i don't specifically know the program u mean but i hpe u enjoyed it
and thanx alot

dew_bright يقول...

هى كل البوستات هنا حلوة اوى كدا ..دايما متميز ربنا يوفقك