الأول

لم يتبق وقت

اليوم بعد المقبل ، تنطلق ساعة الصفر ، ويتم اقامة حفل توقيع العدد الأول من سلسلة

مدونات مصرية للجيب

الفكرة كانت منذ أيام عدة مجرد فكرة ، تحمس لها العديد وتشرفت بأن اكون احد أفراد فريق عمل يجمع بينه شيئان هامان

اولا : مدونون جدا

ثانيا : متحمسون للفكرة جدا جدا

والان ، هذه هي صورة البوستر وعليه غلاف العدد الأول

الكلام عن الفكرة وعن فريق العمل وصدور العدد الأول وترحيب دار النشر وانتقا ء الأعمال الــخ ،،، يحتاج إلى مدونة مستقلة بذاتها .

لذلك فإني للمرة الأولى منذ انتهاج التدوين كنشاط بيولوجي اكسر رتابة نظام الـ ( قصة / قصيدة ) المعتاد وأقوم بتقديم بوست ادعوكم فيه جميعا - أما أشوف كم دي هتطلع جدعة ولا إيه - لحفل التوقيع يوم الخميس 22-5-2008 بمكتبة عمر بوك ستورز بشارع طلعت حرب ( فوق فلفلة ) الساعة 6:30

الحفل موجود به مدونين كنت اتمنى اعرفهم من زمن ، والمجموعه المشاركة بالعدد الأول فيهم ناس كتير هتحبو تشوفوهم ، واليوم هيكون زي لقاء تدويني كاللقاءات المعتادة للمدونين بس العدد المرة دي هيكون متضخم حبتين

أماكن توزيع العدد الأول هتكون كالتالي :

1- عمر بوك ستورز شارع طلعت حرب

2- مكتبة البلد امام الجامعة الامريكيه

3- سندباد وسط البد خلف مكتبة مدبولى

4- سنابل شارع شريف

5- لهيئة العامه للكتاب فرع الزمالك

6- مكتبة ديوان الزمالك

7- مكتبة ديوان مصر الجديده

8- مكتبة أفاق شارع القصر العينى

9- المكتبة الدوليه مدينة نصر ش الطيران

10- كشك جرايد كوفى الامريكين - الاسعاف

11- كشك جرايد الجامعه الامريكيه

يتم التوزيع فى باقى المحافظات وداخل المدن الكبيرة مع توزيع جريدة الجمهورية ولكن بتأخير اسبوعين

محافظات اخرى بها اماكن توزيع :

بورسعيد - اسكندرية - المنصورة - السويس - طنطا - اسيوط - الفيوم

محافظات ومدن نحتاج بها مراكز توزيع :

سوهاج - المنيا - الزقازيق

اللي يعرف مكتبة معينة أو مكان توزيع مناسب في الاماكن دي يقول لنا عليها واحنا نبعت له الأعداد للمكتبه باسرع وقت ممكن

مستنيكم كلكم وكل حد فيكم له عندي فنجان قهوة متاخر ماينساش يطلبه مني يوم الخميس .

ومستني اكتر رأيكم في العدد الأول .

-----------------------------------------

مدونة أنا وصاحبي أصحاب الفكرة والمتعاقدين مع دار النشر

عنوان الجروب للفيس بوك